Ny fomba fiverenana amin'ny finoana islamo

Ny finoana islamo dia ny finoana izay manana mpanaraka hatrany hatrany.

Isan-taona dia fantatsika fa ny olona manerana izao tontolo izao dia manapa-kevitra ny hiova fo hanaraka ny finoana islamo. Indraindray ny olona dia mahita amin’ny finoana islamo amin'ny alàlan'ny namana na havana na koa amin'ny alàlan'ny vintana madio amin'ny antony hafa: boky, tantara, tatitra, fitsangatsanganana. Saingy ny zava-dehibe dia tsy ny anton'ny fiovam-po.

Ny zava-dehibe dia ny fahafantarana ny fomba hiverenana amin'ny finoana islamo rehefa tapaka ny fanapahan-kevitra.

Alohan'ny zavatra rehetra, tsy maintsy maka fotoana handinihana amim-pitandremana isika: tsy ankamaivanina ny mirona amin'ny finoana. Ny zavatra voalohany tokony hataontsika dia ny manontany tena raha resy lahatra tanteraka amin'ny finoana islamo isika ary fantarina amin’inona no izoratsika. Ity no dingana voalohany: ny fahatsapana lalina indrindra ao amin'ny tena, ny filàna sy ny faniriana ho anisan'ireo mpanaraka io finoana io.

Vantany nahazo fampahafantarana sy resy lahatra hatrany, dia tsy maintsy manolo-tena hino an'Andriamanitra ilay Tokana ary ao amin'Andriamanitra irery ihany ary manaiky ny teniny. Avy eo, manantona Imam (mpitarika) iray mampiteny ny Shahada, "Tsy misy Andriamanitra afa-tsy Andriamanitra Tokana ihany ary i Mpaminany Mohammad dia irakany": "Ach Ha dou Alla ilaha Illala Wa ach dou Ha Ana mouhammadan rasouloulla". Tsara kokoa ny miresaka amin'i Imam mba hanampy ahafantarana ny fomba tokony hataon’ny tsy mpino islamo vao niditra amin’ny finoana islamo. Araka ny azo takarina, ny finoana islamo dia miankina bebe kokoa amin'ny faharesen-dahatra lalina, safidy manokana ary fahatokiana tanteraka an'Andriamanitra mihoatra noho ny zavatra hafa rehetra. Ny Imam dia tokony hanoro hevitra amin'ny fampiofanana fohy, manomboka amin'ny andro vitsivitsy ka hatramin'ny herinandro vitsivitsy mba hanazavana amin'ny olona ny finoana islamo, sy ny tantarany ary ny didiny.

Aminy daty ofisialy ny fiovam-po, ka hiteny ny Shahadah eo anoloan'ireo mpino amin'ny trano fivavahana, ny niova fo lahy - na niova fo vavy - dia tsy maintsy maka rano madio aloha sy hanadio ny tena, ny finoana islamo dia finoana izay manome lanjany lehibe ny fahadiovana ary tsy maintsy atao. Manentana ny lehilahy hamora ny tenany na dia tsy misy fanerena entitra ny amin’izany. Raha vao nahavita ny fitenenana Shahada, ilay olona niova fo dia mandray ny anaran'ny Arabo ho mariky ny fanekem-pinoana, na dia tsy misy fanerena entitra ny amin’izany. Ny teny Arabo izay tena manan-danja tokoa amin'ny finoana islamo. Anisany tsara tokony atao ny fanolorana mari-pankasitrahana izay manaporofo ny fidirany amin'ny finoana islamo avy amin'ny trano fivavahana izay nanaovany Shahada, raha ny toe-javatra mandalo sy miseho eny aminy fiarahamonina aminy ankapobeny sy ny fanjakana. Na dia ao am-po aza ny fiovam-po marina, fa ity boky ity dia manan-danja amin'ny zavatra telo: Voalohany, ilaina aminy antony fanambadiana, faharoa aminy antony fahafatesana mba ahafahana handevenana azy araka ny fombam-pivavahana islamo, ary farany raha te-hanao ny fivahiniana masina ho any Lameka ianao, dia manoro hevitra mafy ny hanana izany. Izany moa matetika tsy dia mbola mahazatra aminy komity tsika eto fa tsara kokoa ny fanaovana an’izany.

Ny zava-dehibe indrindra dia ny fahatsapana fa raha vantany voatonona ny Shahada dia afaka mihevitra ny tenany amin'izao fotoana izao fa mpino islamo ny tenany. Afaka manomboka manatanteraka antsakany sy andavany ny fivavahana izy, mba hanatanteraka ny Ramadhan ary hanaraka ireo adidin'islamo rehetra (jereo ireo andry 5 an'ny finoana islamo).

Raha fintinina, dia zava-dehibe ny fiarahana amin'ny lalana mankany amin'ny fiovam-po satria sarotra ho an'ny ol

ona iray ny miova fo aminy fomba miafona na izy samirery. Fikaona amin’ny imam izay ananan’olona fahatokisana no tena tsara, mandritra sy aorian'ny fiovam-po. Ho eo izy hamaly ny fanontanianao, hitarika anao ary hisoroka anao tsy hivaona.

Lehilahy Moslimo